ԱՄՆ ազգային արխիվը հրապարակել է Քենեդու սպանության գաղտնազերծված փաստաթղթերը
ԱՄՆ Ազգային արխիվը, ԱՄՆ նախագահ Դոնալդ Թրամփի հրամանով, չորեքշաբթի օրը՝ մարտի 19-ին, հրապարակել է գաղտնազերծված փաստաթղթեր նախագահ Ջոն Քենեդու, նրա քաղաքական գործիչ եղբոր՝ Ռոբերտի և սևամորթների իրավունքների պաշտպան Մարտին Լյութեր Քինգի սպանությունների վերաբերյալ։
«Այս վեբ էջը ստեղծվել է ի պատասխան հունվարի 23-ին նախագահ Դոնալդ Թրամփի կողմից ստորագրված «Նախագահ Ջոն Քենեդիի, սենատոր Ռոբերտ Քենեդիի և դոկտոր Մարտին Լյութեր Քինգի սպանություններին առնչվող գրառումների գաղտնազերծման» գործադիր հրամանով»,- ասվում է արխիվի կայքում։
Քենեդու սպանության ձայնագրությունների հավաքածուն պարունակում է ավելի քան 6 միլիոն էջ գրառումներ, լուսանկարներ, ֆիլմեր, ձայնագրություններ և արտեֆակտներ:
Ավելի վաղ՝ հունվարի 23-ին, Թրամփը հայտարարել էր, որ գաղտնազերծելու է նախագահ (1961-1963 թթ.) Ջոն Քենեդու, նրա եղբոր՝ Ռոբերտ Քենեդու և քաղաքացիական իրավունքների ղեկավար Մարտին Լյութեր Քինգ կրտսերի սպանություններին վերաբերող բոլոր փաստաթղթերը:
Ավելի վաղ՝ հունվարի 24-ին, The New York Post-ը հայտնել էր, որ ԱՄՆ նախկին 35-րդ նախագահ Ջոն Քենեդիի թոռը՝ Ջեք Շլոսբերգը, քննադատել է Թրամփին՝ իր պապի գործի հանգամանքների մասին փաստաթղթերը գաղտնազերծելու որոշման համար։ Նա նաեւ ընդգծել է, որ այս արարքում հերոսական ոչինչ չի տեսնում.
