Որ դեպքում Ադրբեջանը կստորագրի վերջնական պայմանագիրը. Բաքվից արձագանքում են

Ադրբեջանի ԱԳՆ-ից հայտարարել են ՀՀ ԱԳՆ-ի հաղորդագրություններին։ Նշել են, թե ավարտվել են Ադրբեջանի և Հայաստանի միջև խաղաղության և միջպետական ​​հարաբերությունների հաստատման մասին համաձայնագրի նախագծի տեքստի վերաբերյալ բանակցությունները։

Ադրբեջանից հայտարարել են, թե շարունակում են դիրքորոշումն առ այն, որ տեքստը ստորագրելու գլխավոր պայմանը Հայաստանի Սահմանադրության մեջ փոփոխություններ կատարելն է, կրկին նշելով, թե ՀՀ սահմանադրության մեջ, իբր, Ադրբեջանի ինքնիշխանության և տարածքային ամբողջականության նկատմամբ հավակնություններ կան։

«Միևնույն ժամանակ, մենք ընդգծում ենք հնացած և ոչ ֆունկցիոնալ ԵԱՀԿ Մինսկի խմբի և նրան համապատասխան կառույցների պաշտոնական լուծարման անհրաժեշտությունը։ Մենք պատրաստ ենք շարունակել երկկողմ երկխոսությունը այս և այլ հարցերի շուրջ, որոնք կապված են երկու երկրների միջև հարաբերությունների կարգավորման գործընթացի հետ», - ասված է հայտարարության մեջ: