Բանկը հաճախորդի հաշվին սխալմամբ մուտքագրել է 81 տրիլիոն դոլար. ԱՄՆ
Ամերիկյան «Citibank» բանկը, հաճախորդի հաշվին 280 դոլարի փոխարեն սխալմամբ մուտքագրել է 81 տրիլիոն դոլար: Այս մասին հայտնել է Financial Times-ը՝ հղում անելով բանկի ներքին փաստաթղթերին:
Ինչպես նշվում է դեպքը տեղի է ունեցել ապրիլին, սակայն դրա մասին միայն հիմա է հայտնի դարձել:
Սխալ ներքին փոխանցումը վրիպել է և՛ վճարումների բաժնի աշխատողի, և՛ գործարքը ստուգող երկրորդ աշխատողի աչքից: Արդյունքում փոխանցումը հաստատվել է, որպեսզի արդեն հաջորդ օրն այն մշակվի:
Երրորդ աշխատողը նկատել է բանկի հաշվի մնացորդի հետ խնդիրը՝ չեղարկելով փոխանցումը: Արդյունքում որևէ դրամական միջոց դուրս չի եկել բանկի հաշիվներից: Սխալի հետևանքով ո՛չ բանկը, ո՛չ հաճախորդը որևէ վնաս չեն կրել:
