Արևելյան և Արևմտյան Վրաստանը կապող մայրուղու ճանապարհը կաթվածահար է եղել

Արևելյան և Արևմտյան Վրաստանը կապող մայրուղու Ռիկոթիի լեռնանցքում գիշերը ավտոմեքենաները ծածկվել են ձյունով: 

Ինչպես փոխանցում է Ավտոճանապարհների դեպարտամենտ, վնասվել է 4 ավտոմեքենա: Տուժածներ չկան, բոլորին հաջողվել է դուրս գալ ավտոմեքենաներից։

Տեղամասում երթևեկությունը դադարեցվել է, ընթանում է մաքրման աշխատանքներ:

Նշենք, որ Արևմտյան և Արևելյան Վրաստանը միացնող Ռիկոտիի լեռնանցքում վերականգնվել է տրանսպորտի երթևեկությունը:

Հիշեցնենք՝ երեկ ՌԴ-ում ՀՀ դեսպանության մաքսային կցորդ Վահան Հակոբյանը Auroranews-ին տեղեկացրել էր, որ միջազգային նշանակության Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում գտնվող Խաչի լեռնանցքում ձնահյուսի բարձր վտանգի պատճառով երթևեկությունը սահմանափակվել է բոլոր տեսակի տրանսպորտային միջոցների համար։