Չճանաչված կարմիր օբեկտ՝ Բադալ Մուրադյան փողոցում

Auroranews-ը փետրվարի 24-ին ահազանգ էր ստացել Նոր Նորքի 6-րդ զանգվածի Բադալ Մուրադյան 4 շենքի բնակիչներից, որ արդեն մեկ շաբաթ է իրենց մոտ հակահիգենիկ վիճակ է: Կոյուղաջրերը հոսում են, զանգերն էլ «Վեոլիա Ջուր»՝ անպատասխան մնում:

Auroranews-ը կապ էր հաստատել «Վեոլիա Ջուր» ընկերության հետ, հայտնել խնդիրը և արդեն ժամը 17-ի դրությամբ կոյուղու խցանումը բացվել էր, խնդիրը լուծվել:

Այսօր տեղի բնակիչներից լուսանկարներ ենք ստացել, որոնք անկեղծ շոկային են: Auroranews-ը իր գործունեության ընթացքում շատ բան է տեսել, բայց աթոռի կարմիր նստատեղով փակված կոյուղի, անկեղծ՝ ոչ:

Դիմելու ենք և քաղաքապետերան և «Վեոլիա Ջուր» պարզելու, թե ով է հեղինակել նման փնթի աշխատանքներ և ում մտքի թռիչքն է եղել սույն տարօրինակ առարկայի կիրառումը:

Auroranews-ը կապ հաստատեց «Վեոլիա Ջուր» ընկերության հետ: Մեզ փոխանցեցին, որ մասնագետներն արդեն հասցեում են և լուծում են խնդիրը:

«Խնդիրը չգիտենք՝ որտեղից է և ով է արել: Այս դիտահորը «կորած» դիտահոր է, որը մնացել է արահետի տակ: Գարնանը նախատեսվում է կոյուղին փոխել: Խնդիրն արդեն լուծվեց,  չգիտենք՝ սա ինչ է»,- ասացին ընկերությունից:

Նաև քաղաքապետարանից Auroranews-ին ասեցին, որ խնդիրն իրենց տիրույթում չէ: