Պետդեպարտամենտը մանրամասներ է հայտնել Ռուբիո-Լավրով հեռախոսազրույցից
ԱՄՆ Պետդեպարտամենտից մանրամասներ են հայտնել ԱՄՆ Պետքարտուղար Մարկո Ռուբիոյի և ՌԴ ԱԳ նախարար Սերգեյ Լավրովի հեռախոսազրույցի մասին, որը կայացել է նախօրեին։
Պետքարտուղարության խոսնակ Թեմմի Բրյուսը նշել է, որ Ռուբիոն զրուցել է Լավրովի հետ՝ ի շարունակություն ԱՄՆ նախագահ Դոնալդ Թրամփի և Ռուսաստանի նախագահ Վլադիմիր Պուտինի՝ շաբաթվա սկզբին ունեցած զրույցի։
«Պետքարտուղարը վերահաստատել է նախագահ Թրամփի հանձնառությունը՝ վերջ դնելու ուկրաինական հակամարտությանը։ Բացի այդ, նրանք քննարկել են մի շարք այլ երկկողմ հարցերի շուրջ հնարավոր համատեղ աշխատանքի հնարավորությունը»,- ասված է Պետդեպարտամենտի հաղորդագրության մեջ:
