Գերմանիայում կարող է արտակարգ դրություն հայտարարվել. Շոլց
Գերմանիայում կարող է արտակարգ դրություն հայտարարվել՝ Ուկրաինային ռազմական աջակցության ֆինանսավորումը շարունակելու համար։ Այդ մասին փետրվարի 15-ին հայտարարել է Գերմանիայի կանցլեր Օլաֆ Շոլցը՝ ելույթ ունենալով Մյունխենի անվտանգության համաժողովում։
Նա կարծիք է հայտնել, որ կարող է արտակարգ դրություն մտցնել պարտքի արգելակը թուլացնելու համար։
«Պատերազմ Եվրոպայի կենտրոնում, սա արտակարգ իրավիճակ է»,- ընդգծել է Շոլցը։
Նա ասել է, որ վստահ է, որ ընտրություններից հետո Բունդեսթագի մեծամասնությունը կպաշտպանի այս գաղափարը։
