Կարևոր է սկսել բանակցությունները, այլ ոչ հարցնել Կիևի պատրաստակամության մասին. Վենս

ԱՄՆ փոխնախագահ Ջ.Դ.Վենսը Մյունխենում հանդիպել է Ուկրաինայի նախագահ Վլադիմիր Զելենսկու հետ և ասել, որ կարևոր է սկսել կարգավորման շուրջ բանակցությունները, այլ ոչ թե հարցնել Ռուսաստանի ղեկավարության հետ կապ հաստատելու Կիևի պատրաստակամության մասին։ Այս մասին գրում է РИА Новости–ն:

«Մենք ցանկանում ենք հասնել կայուն, երկարաժամկետ խաղաղության, այլ ոչ այնպիսին, որը կտևի ընդամենը մի քանի տարի, իսկ հետո Եվրոպայում նորից հակամարտություն կլինի»,– ասել է ամերիկացի փոխնախագահը:

«Մտածում եմ՝ ինչպես են ընթանում այս խոսակցությունները. Ուկրաինայից մեծ թվով պատվիրակներ, այստեղ է մեր անհավանական պետքարտուղար Մարկո Ռուբիոն, գեներալ Քելոգը: Մեզ համար կարևոր է շփումներ սկսել մյուս կողմի հետ, որպեսզի սկսենք այն խոսակցությունները, որոնք պետք է լինեն սա կանգնեցնելու համար»,– ասել է Վենսը:

«Ավարտը պետք է պատասխանատու լինի»,- ընդգծել է նա։