Իրանի հետ հարաբերությունները բխում են մեր բնական շահերից. Փաշինյան
Մեր կառավարությունն իրականացնում է բալանսավորված արտաքին քաղաքականություն, որը չի ենթադրում և բացառում է «մետության» քաղաքականություն արտաքին քաղաքականության ոլորտում: Այս մասին ասել է Նիկոլ Փաշինյանը՝ Իրանի պետական հեռուստատեսությանը տված հարցազրույցում:
«ՀՀ արտաքին քաղաքականությունը հիմնվում է և պետք է հիմնվի մեր երկրի պետական շահերի վրա, և սա մեր ընդհանուր մոտեցումն է»,– ասել է նա:
Իր խոսքով՝ Իրանի հետ հարաբերությունները բխում են մեր բնական շահերից:
«Մենք զգայուն ենք Իրանի Իսլամական Հանրապետության շահերի նկատմամբ և Իրանը նույնպես զգայուն է մեր շահերի նկատմամբ»,– ասել է Փաշինյանը՝ պատասխանելով Իրանի հետ հարաբերությունների պաշտպանության մասին հարցին:
