«Google» ընկերությունը վերանվանել է Մեքսիկական ծոցը

«Google» ընկերությունը Մեքսիկական ծոցը վերանվանել է Ամերիկայի ծոց։ Այս մասին ասվում է ընկերության հայտարարության մեջ։

Նշենք, որ «Google»-ը հայտնել էր, որ երբ համապատասխան թարմացում լինի երկրի աշխարհագրական անվանումների տեղեկատվական համակարգում, Ամերիկայի ծոց անվանումը կհայտնվի «Google Maps» ծառայությունում։

Նրանք, ովքեր ԱՄՆ-ում են օգտվում «Google Maps»-ից, կտեսնեն Ամերիկայի ծոց անվանումը, իսկ նրանք, ովքեր Մեքսիկայում են գտնվում` Մեքսիկական ծոց անվանումը, մյուսները կտեսնեն երկու տարբերակը, որոնցից մեկը գրված կլինի փակագծերում։