Մոսկվան դեմ է ՀՀ-ի և Բաքվի հապճեպ և վերջնական որոշումներին․ Գալուզին
Մոսկվան կողմ է, որ Հայաստանն ու Ադրբեջանը` երկրներ, որոնք հետ մեզ դաշնակցային հարաբերություններ ունեն, խաղաղության այնպիսի պայմանագիր մշակեն, որը ճանապարհ կբացի և կնշանակի հարաբերությունների կայուն երկարաժամկետ կարգավորում։ Այս մասին հայտարարել է ՌԴ փոխարտգործնախարար Միխայիլ Գալուզինը։
«Բնականաբար, մենք միշտ պատրաստ ենք նպաստել առաջընթացին, և դեմ ենք, որ ինչ–որ հապճեպ փաստաթուղթ ստորագրվի, ինչպես պնդում է Արևմուտքը, որը շատ է ցանկանում Հայաստանին և Ադրբեջանին հնարավորինս շուտ դրդել խաղաղության պայմանագիր կնքել արևմտյան որևէ հարթակում», - նշել է նա։
Ըստ Գալուզինի՝ հապճեպ և վերջնական չստուգված որոշումները, կարող են հանգեցնել ոչ թե երկարաժամկետ կայուն խաղաղության, այլ, ընդհակառակը, ապագայի համար առճակատման որոշակի «սերմեր տնկել»:
Վերջինս չափազանց անցանկալի է համարում այս տարբերակը և՛ Հայաստանի ու Ադրբեջանի, և՛ Հարավային Կովկասի, և՛ Ռուսաստանի համար։
