Իսկական դժոխք կսկսվի․ Թրամփ

ԱՄՆ նախագահ Դոնալդ Թրամփը հայտարարել է, որ Իսրայելի և ՀԱՄԱՍ-ի միջև հրադադարի մասին համաձայնագիրը պետք է չեղյալ հայտարարվի, եթե Գազայի հատվածում պահվող բոլոր պատանդներն ազատ չարձակվեն մինչև շաբաթ օրվա կեսօր: Այս մասին հայտնել է «Интерфакс»-ը։

Թրամփը նշել է, որ ՀԱՄԱՍ-ը պետք է անհապաղ ազատ արձակի բոլոր պատանդներին, հակառակ դեպքում հրադադարի մասին համաձայնագիրը կորցնում է իմաստը:

«Եթե նրանք այստեղ չլինեն, իսկական դժոխք կսկսվի»,- հայտարարել Է նախագահը՝ ենթադրելով, որ նրանցից շատերը, ում ծրագրել էին ազատ արձակել, իրականում արդեն մահացած են:

Միևնույն ժամանակ, նա խոստովանել է, որ համաձայնագրի վերաբերյալ վերջնական որոշումը մնում է Իսրայելին:

«Ես խոսում եմ ինքս ինձ համար. Իսրայելը կարող է չեղարկել այն»,- ասել է Թրամփը։