Թուրքիան օդային գործողություններ է սկսել
Թուրքիայի զինված ուժերը օդային գործողություններ են իրականացնում Իրաքի հյուսիսում Քրդստանի աշխատավորական կուսակցության զինյալների դեմ։ Այս մասին հայտնել էր երկրի ազգային պաշտպանության նախարարությունը։
«Իրաքի հյուսիսում 2025 թվականի հունվարի 29-ից փետրվարի 7-ը իրականացված օդային գործողությունների արդյունքում վնասազերծվել է PKK-ի 11 ահաբեկիչ, որոնցից 7-ը Գարա շրջանում և չորսը՝ Հաքուրքի շրջանում: Թուրքիայի զինված ուժերը շարունակում են կանխարգելիչ միջոցներ ձեռնարկել ահաբեկչական կազմակերպությունների դեմ՝ հանուն մեր սիրելի հայրենիքի», - ասվել է նախարարության հայտարարության մեջ։
