ՌԴ-ում ապօրինի ներգաղթյալները կարող են խուսափել արտաքսումից

Ռուսաստանում ապօրինի գտնվող ներգաղթյալները պետք է մինչև ապրիլի 30-ը դիմեն ոստիկանություն կամ «Սախարովո» միգրացիոն կենտրոն, որպեսզի օրինականացնեն իրենց գտնվելը երկրում և խուսափեն արտաքսումից: Այս մասին հայտնել է ՌԴ ՆԳՆ-ն։

«Ռուսաստանում 2025 թվականի հունվարի 1-ից մինչև ապրիլի 30-ը ներառյալ գործում է Պուտինի թիվ 1126 հրամանագիրը, որով հնարավոր է առանց արտաքսման և մուտքի արգելքի ռիսկի օրինական դարձնել ձեր գտնվելը Ռուսաստանում»,- ասվել է հայտարարության մեջ։

Այս հրամանագիրը վերաբերում է այն օտարերկրացիներին, որոնք ավելի քան երեք ամիս գտնվում են Ռուսաստանում առանց արտոնագրի կամ աշխատանքի թույլտվության, ժամկետանց և չվճարված արտոնագրով, ինչպես նաև չունեն ժամանակավոր բնակության կամ կացության թույլտվություն: