Ես կարող եմ ինչ-որ բան չիմանալ․ Պեսկովը՝ Թրամփի և Պուտինի զրույցի մասին
Ռուսաստանի նախագահի մամուլի քարտուղար Դմիտրի Պեսկովը «ՌԵՆ TV»-ի հետ զրույցում ոչ հաստատել, ոչ էլ հերքել Է ՌԴ առաջնորդ Վլադիմիր Պուտինի հետ զրույցի մասին ԱՄՆ նախագահ Դոնալդ Թրամփի հայտարարությունը:
«Երբ Վաշինգտոնի վարչակազմը ծավալում է իր աշխատանքը, շատ կոմունիկացիաներ են առաջանում, և այդ կոմունիկացիաներն իրականացվում են տարբեր ուղիներով։ Իհարկե, այդ կոմունիկացիաների բազմակիության ֆոնին ես անձամբ կարող եմ ինչ-որ բան չիմանալ, ինչ-որ բանի մասին տեղյակ չլինել։ Այդ պատճառով տվյալ դեպքում ես չեմ կարող դա ոչ հաստատել, ոչ հերքել»,- պարզաբանել է Կրեմլի պաշտոնական ներկայացուցիչը։
Հիշեցնենք՝ Թրամփը հեռախոսազրույց էր ունեցել ՌԴ նախագահ Վլադիմիր Պուտինի հետ՝ Ուկրաինայի հակամարտության կարգավորման շուրջ։
Նախագահը նաև հույս էր հայտնել, որ ռազմական գործողություններն արագ կավարտվեն։
«Գերադասում եմ ոչինչ չասել»,- այսպես է պատասխանել է Թրամփը այն հարցին, թե քանի անգամ է շփվել ՌԴ նախագահի հետ։ Միևնույն ժամանակ, Թրամփը ասել է, որ Վլադիմիր Պուտինը «ցանկանում է, որ մարդիկ դադարեն զոհվել»։
