Լավրովն ու Ֆիդանը հեռախոսազրույց են ունեցել

Ռուսաստանի և Թուրքիայի արտգործնախարարներ Սերգեյ Լավրովն ու Հաքան Ֆիդանը քննարկել են Սիրիայում տիրող իրավիճակը։ Այս մասին հինգշաբթի հայտնել է ՌԴ ԱԳՆ տեղեկատվության և մամուլի վարչությունը։ Վերջին երկու շաբաթվա ընթացքում սա արդեն երրորդ հեռախոսազրույցն է ռուս և թուրք գործընկերների միջև։

«Նախագահների և նախարարների միջև նախկին շփումների զարգացման ընթացքում քննարկվել է իրավիճակը Սիրիայում և նրա շուրջը։ Պայմանավորվածություն է ձեռք բերվել սերտ կապի մեջ մնալ արդի երկկողմ, տարածաշրջանային և միջազգային հարցերի շուրջ, ներառյալ Մերձավոր Արևելքը և Ուկրաինան»,– այս մասին ասվում է ԱԳՆ կայքում տեղադրված պաշտոնական հաղորդագրության մեջ։

ԱԳՆ-ն ընդգծել է, որ գործընկերներն անդրադարձել են երկկողմ օրակարգի մի շարք հարցերի և «հաստատել են քայլերի սերտ համակարգման կարևորությունը»՝ Ռուսաստանի և Թուրքիայի առաջնորդներ Վլադիմիր Պուտինի և Ռեջեփ Թայիփ Էրդողանի պայմանավորվածությունների իրականացման համար։