Այդ դատավարությունն օգտագործելու են ՀՀ-ի դեմ. Փաշինյան
Վարչապետ Նիկոլ Փաշինյանը Հանրայինի եթերում հարցազրույցի ժամանակ պատասխանել է Բաքվում Արցախի ռազմաքաղաքական ղեկավարության շինծու դատավարության վերաբերյալ հարցին։
Նա մտահոգիչ է որակել հայ գերիների դատավարությունը` նշելով, որ այն օգտագործվելու է տարածաշրջանում նոր էսկալացիաներ հրահրելու համար
«Մենք հետախուզական տեղեկություններ ունենք, որ այդ մարդկանց նկատմամբ հոգեներգործուն արգելված միջոցներ են կիրառում, որ տարածաշրջանային էսկալացիաները հրահրելուն ուղղված ցուցմունքներ կորզվեն նրանցից։
Մենք շատ մտահոգված ենք այդ պրոցեսով։
Այդ դատավարությունն օգտագործվելու է Հայաստանի Հանրապետության դեմ։
Մենք այս հարցը շատ լավ հասկանում ենք և բոլոր հասու միջոցներով փորձում ենք այդ խնդիրը լուծել»,- ասել է նա։
