Կանադան նոր պարտավորություններ կստանձնի
Կանադան և Միացյալ Նահանգները պայմանավորվել են կանադական ապրանքների վրա ամերիկյան մաքսատուրքերը 30 օրով կասեցնելու մասին։ Այս մասին ասել է Կանադայի վարչապետ Ջասթին Թրյուդոն ԱՄՆ նախագահ Դոնալդ Թրամփի հետ զրույցից հետո։
Նշվում է, որ Օտտավան նոր պարտավորություններ է ստանձնում սահմանը պաշտպանելու և թմրամիջոցների ապօրինի շրջանառության դեմ պայքարելու համար։
Բացի դա կազմակերպված հանցավորության և փողերի լվացման դեմ պայքարի համար կստեղծվի նաև կանադա-ամերիկյան համատեղ ստորաբաժանում:
Ավելի վաղ մեքսիկական ապրանքների վրա ԱՄՆ մաքսատուրքերը նույնպես կասեցվել էին մեկ ամսով։
