ԱՄՆ–ում ինքնաթիռը բախվել է զինվորական ուղղաթիռին
Վաշինգտոնի՝ Ռեյգանի անվան ազգային օդանավակայանի մոտ Պոտոմակ գետի վրա ուղևորատար ինքնաթիռը վայրէջք կատարելիս բախվել է զինվորական ուղղաթիռին․ հայտնում է APnews-ը։
Զոհերի մասին տեղեկություններ դեռ չկան։ Վաշինգտոնի մերձակա օդանավակայանից բոլոր թռիչքներն ու վայրէջքները դադարեցվել են, քանի որ իրավապահ մարմինների ուղղաթիռները այժմ շրջում են դեպքի վայրում՝ ողջ մնացածների որոնման համար։
Կատարվածի մասին տեղյակ է պահվել նաև նախագահ Դոնալդ Թրամփին։
Դաշնային ավիացիոն վարչությունը հայտնել է, որ օդային բախումը տեղի է ունեցել մոտավորապես ժամը 21:00, երբ տարածաշրջանային ինքնաթիռը, որը մեկնել էր Վիչիտայից, Կանզաս, բախվել է ռազմական Բլեքհոք ուղղաթիռի հետ օդանավակայանի թռիչքուղու մոտենալիս։
