Ոստիկանության հայտնած տեղեկատվությունը՝ ընկերությունը չի կարող մեկնաբանել. ԶՊՄԿ
Հայտնում ենք, որ Զանգեզուրի պղնձամոլիբդենային կոմբինատ ՓԲ ընկերության տարածքում հրազենի կիրառմամբ որևէ միջադեպ տեղի չի ունեցել։ Ոստիկանության հայտնած տեղեկատվությունը՝ ԶՊՄԿ տարածքից դուրս տեղի ունեցած միջադեպի վերաբերյալ, Ընկերությունը մեկնաբանել չի կարող։
Այս մասին պարզաբանում է տարածել ԶՊՄԿ ընկերությունը ֆեյսբուքյան իր էջում:
Հիշեցնենք, որ ավելի վաղ տեղեկություն էր տարածվել, որ Քաջարանի պոչամբար թաղամասում ծեծկռտուք է եղել։ ՆԳՆ խոսնակ Նարեկ Սարգսյանն էլ հայտնել էր, որ ոստիկանությունը անմիջապես միջոցառումներ է ձեռնարկվել։ Կան բերման ենթարկված 8 անձ:
