Լավրովն ընդունել է Միրզոյանի հրավերը

ՌԴ ԱԳ նախարար Սերգեյ Լավրովը կայցելի Երևան: Այս մասին նա հայտարարել է  Մոսկվայում իր հայ գործընկեր Արարատ Միրզոյանի հետ կայացած մամուլի ասուլիսում։

Նախարարն ասել , որ մտադիր է օգտվել Միրզոյանի հրավերից և այցելել Երևան։

Ի պատասխան, Միրզոյանը նշել է. «Ես շոյված կլինեմ և կսպասեմ ձեզ Երևանում»:

ՌԴ արտգործնախարար Սերգեյ Լավրովը նաև հայտարարեց, որ ՌԴ Դաշնության խորհրդի ղեկավար Վալենտինա Մատվիենկոն կայցելի Հայաստան, նախապատրաստական աշխատանքներ են ընթանում։ 

Ռուսական կողմը հուսով է, որ կկարողանա այս այցի հետ համատեղել Ռուս-հայկական 10-րդ միջտարածաշրջանային համաժողովի անցկացման ժամանակացույցը։