Լոս Անջելեսի հրդեհները կապված են Ուկրաինային օգնելու հետ․ Թրամփ կրտսեր

ԱՄՆ-ի նորընտիր նախագահ Դոնալդ Թրամփի որդին հայտնել է, թե ինչու հրշեջ ծառայությունները մինչ այժմ չեն կարողացել մարել բռնկված հրդեհները։ 

Թրամփ կրտսերը նշել է, որ Լոս Անջելեսի հրդեհները կապված են Ուկրաինային օգնելու հետ: Նա վերահրապարակել է այն հաղորդագրությունը, որ 2022 թվականի մարտին՝ ՌԴ-ի ներխուժումից հետո, ԱՄՆ-ն Ուկրաինային է փոխանցել հրշեջ սարքավորումների մի մասը։ 

«Օ․․ նայիր։ Դե, իհարկե, Լոս Անջելեսի հրշեջ վարչությունը սարքավորումներ է ուղարկել Ուկրաինա»,- գրել է նա սոցիալական ցանցում:

Իր հերթին գործարար Իլոն Մասկը վերահրապարակել է գրառումը:

Ավելի վաղ հայտնել ենք, որ ԱՄՆ-ում բռնկված անտառային հրդեհները հարյուրավոր տներ են մոխրացրել Լոս Անջելեսում: Կալիֆոռնիայի հրշեջները չեն կարողանում դիմադրել Լոս Անջելեսում բռնկված հրդեհի դեմ: