Վաշինգտոնի կործանված ինքնաթիռում եղել են գեղասահքի աշխարհի չեմպիոններ
Վաշինգտոնի կործանված ինքնաթիռում եղել են գեղասահքի աշխարհի չեմպիոններ, Ռուսաստանի հավաքականի ներկայացուցիչներ Եվգենյա Շիշկովա և Վադիմ Նաումով զույգը։ Այս մասին հայտնել է «ՏԱՍՍ»-ը։
«Վթարված ինքնաթիռում եղել են մեր մարզիչներ Եվգենյա Շիշկովան և Վադիմ Նաումովը»,- ասել է գործակալության աղբյուրը։
Նրանք պետք է թռչեին Վիչիտայից, որտեղ անցկացվում էր ԱՄՆ Գեղասահքի առաջնությունը։ 1994 թվականին Շիշկովան և Նաումովը զույգով հաղթեցին գեղասահքի աշխարհի առաջնությունում։
Առնվազն 14 գեղասահորդ եղել է կործանված ինքնաթիռում։ ԱՄՆ իշխանությունների տվյալներով՝ ավիավթարից փրկվածների մասին տեղեկություններ չկան։
Հիշեցնենք՝ Վաշինգտոնի կործանված ուղևորատար ինքնաթիռի չվերթում եղել են Ռուսաստանի գեղասահքի դպրոցի ներկայացուցիչները։
