Սամվել Կարապետյանը չի բացառել ընդդիմության համախմբումը

Գործարար, բարերար, «Ուժեղ Հայաստան» շարժման առաջնորդ Սամվել Կարապետյանն ակնարկել է ընդդիմության համախմբման գաղտնի գործընթացի մասին:

Օգոստոսի 6-ին լրագրողների հետ զրույցում նա ասել է, որ ամեն ինչ ակտիվ ընթացքի մեջ է՝ «մի մտահոգվեք»։ Նա նշել է, որ ինքն առաջարկել էր միավորվել բաց ու ուղիղ եթերում, բայց գործընկերները նախընտրել են դա անել առանց ավելորդ աղմուկի։ Կարապետյանը չի մանրամասնել, թե կոնկրետ ինչ փուլում է այդ գործընթացը։

Պատասխանելով իշխանության և ընդդիմության կրծքանշաններին պատկերված երկրի քարտեզների տարբերության մասին հարցին՝ քաղաքական գործիչը վստահեցրել է, որ իշխանություններն ի վիճակի չեն վերականգնել սահմաններն ու հետ վերադարձնել հարևանի կողմից օկուպացված տարածքները: «Եթե չեն կարողանում, թող հեռանան, մենք կգնանք ու հետ կբերենք մեր տարածքները», — առաջարկել է Կարապետյանը:

Մեկնաբանելով ՌԴ-ի հետ ապրանքաշրջանառության կտրուկ նվազումը՝ քաղաքական գործիչը նշել է, որ դա գյուղացիներին ավելի աղքատացնելու հարցում «Հայաստանի անկարող իշխանությունների հաջողությունն է»։ Ինչ վերաբերում է իր արտասահմանյան քաղաքացիություններին, ապա Կարապետյանն առաջարկել է այդ հարցը տալ այն ժամանակ, երբ ինքը տնային կալանքից ազատ կարձակվի։

Մանկապարտեզների և բանակի էլեկտրաէներգիայի հաշիվներում հավելագրումներ անելու վերաբերյալ իշխանությունների մեղադրանքների մասին հարցին ի պատասխան՝ Կարապետյանը նշել է, որ պաշտոնյաները կրկնում են իրենց ղեկավարի խոսքերը, սակայն որևէ ապացույց չունեն: «ՀԷՑ-ը գործող մարմինը մոտ 3 հազար մարդ ապօրինի գործողություններ անելու հնարավորություն ունի: Փաշինյանի օրոք 8.5 միլիարդ դոլար են վատնել: Հիմա ի՞նչ, ասենք, թե ինքը դա կերե՞լ է: Թեև, գուցե և փայ է ունեցել», — նշել է Կարապետյանը: