Զելենսկին նոր պատժամիջոցների մասին հրամանագիր է ստորագրել
Ուկրաինայի նախագահ Վլադիմիր Զելենսկին երկրի ազգային անվտանգության և պաշտպանության խորհրդի համար ստորագրել է պատժամիջոցների հրամանագիր: Այս մասին նա հայտնել Է Telegram-ի իր ալիքում։
Վերջինս նշել է, որ այդ հրամանագրով արգելափակում է Ռուսաստանի համար աշխատող անձանց գործունեությունը։
«Շարունակում ենք նաև զրկել պետական պարգևներից։ Ուկրաինայի հերոսի կոչմանն արժանի են միայն նրանք, ովքեր իսկապես կյանքը նվիրում են Ուկրաինային»,- ասել է Զելենսկին։
Բացի այդ, նա հայտարարել Է ՌԴ-ի դեմ նոր պատժամիջոցների սահմանման մասին։
Նշենք՝ անցյալ տարվա դեկտեմբերին Զելենսկին հաստատեց Ազգային անվտանգության և պաշտպանության խորհրդի որոշումները ռուսական ձեռնարկությունների և հետազոտական կենտրոնների նկատմամբ պատժամիջոցների վերաբերյալ, որոնք Կիևի կարծիքով, զբաղվում են անօդաչու թռչող սարքերի մշակմամբ և արտադրությամբ:
Զելենսկու ստորագրած հրամանագրում նշվում է 57 ֆիզիկական և 52 իրավաբանական անձ։
