Սրա շուրջ խորը բանավեճ, կռիվ կա. Փաշինյանը՝ տղաներին բանակից ազատելու մասին
Կամ մենք պետքէ է այնքան մեխանիզմները կատարելագործենք, որ որևէ սողանցք չլինի փախչելու համար, կամ մենք եղած ոչ լեգիտիմ իրավիճակները որոշակիորեն լեգիտիմության հանրային պայմանավորվածության դաշտ բերենք։ Այս մասին հայտարարել է վարչապետ Նիկոլ Փաշինյանը՝ անդրադառնալով տղաներին բանակից ազատելու արատավոր երևույթին:
«Վերջին տարիներին սրա շուրջ խորը բանավեճ, կռիվ կա: Մեկն այն մասին է, որ ովքեր ապօրինի հսկայական միջոցներ են ծախսում ոչ լեգիտիմ իրավիճակում հայտնվելու համար, մենք ինչ-որ սխեմաներ ստեղծենք, որ հանրային որոշակի պայմանավորվածություն ձևավորվի այս հարցը լուծելու համար: Խոսքը որոշակի վճարումների մասին է, որը կուղղվի մյուսներին, որոնք ծառայում են: Կոպիտ ասած, ոնց որ տուգանք վճարեն նրանց, ովքեր չեն ուզում այդ ճանապարհով գնալ, կամ դրա հնարավորությունը չունեն:
Մեր բնակչության արական հատվածի մի զգալի մասի հոգեբանությունը հենց կյանքի մեկնարկին դեֆորմացվելու շատ մեծ ճնշում է ստանում: Դրա արդյունքը լինում է ներքին թերարժեքություն և դրանից ներքին թուլություն: Պաթոսի ներքո մենք մարդկանց առաջնորդում ենք գողության, խարդախության»,- ասել է նա:
