Սահմանները չպետք է փոփոխվեն ուժով. Շոլցը՝ Թրամփի հայտարարությունների մասին

Գերմանիայի կանցլեր Օլաֆ Շոլցը խիստ քննադատության է ենթարկել Գրենլանդիայի վերաբերյալ ԱՄՆ նորընտիր նախագահ Դոնալդ Թրամփի վերջին հայտարարությունները:

Իր ելույթում Շոլցն ընդգծել է սահմանների անխախտելիությունը՝ որպես միջազգային իրավունքի հիմնարար սկզբունք, որը հավասարապես կիրառելի է բոլոր երկրների համար: Նա պարզաբանել է, որ այն գործում է ամբողջ աշխարհում:

«Այս սկզբունքը վերաբերում է բոլոր երկրներին՝ անկախ նրանց չափից և հզորությունից։ Դա արևմտյան արժեքների հիմնական բաղադրիչն է»,- ասել է կանցլերը:

Խոսելով Եվրոպայում անվտանգության հետ կապված լարված իրավիճակի մասին՝ Շոլցը հավելել է. «ՆԱՏՕ-ն մեր պաշտպանության կարևորագույն տարրն է և անդրատլանտյան հարաբերությունների կենտրոնական հենարանը»: