Այդ երկիրը մեր թշնամին է. Պեսկով

Լիտվան անբարյացակամ պետություն է՝ թշնամաբար տրամադրված Ռուսաստանի նկատմամբ ու տարածքային պահանջներով․ լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։

«Լիտվան մեր երկրի համար անբարյացակամ պետություն է, մեր հանդեպ թշնամաբար տրամադրված պետություն, որը, ի թիվս այլ բաների, ինչպես պարզվում է, ունի տարածքային պահանջներ։ Սա արդարացնում է մեր խորը մտահոգությունները և արդարացնում է մեր պետության անվտանգության ապահովման համար ներկա և ապագա բոլոր միջոցները»,- նշել է Պեսկովը։

Ինչպես հաղորդում է «Ռեգնում» գործակալությունը, ՌԴ ԱԳՆ պաշտոնական ներկայացուցիչ Մարիա Զախարովան Կալինինգրադի մասին խոսքերի պատճառով Նաուսեդային անվանել է «ստվարաթղթե հիմար» և կոչ արել ուսումնասիրել պատմությունը։ Նա հիշեցրել է, որ Լիտվայի մայրաքաղաքը կոչվում է Վիլնյուս՝ Իոսիֆ Ստալինի որոշմամբ, ով 1939-ին Վիլնյուս քաղաքը և Վիլնյուսի շրջանը փոխանցեց Լիտվայի Հանրապետությանը, իսկ Բալթյան լիտվական ամենամեծ նավահանգիստը վերանվանվեց Մեմելից Կլայպեդայի շնորհիվ։

Պետդումայի պատգամավոր Ալեքսեյ Չեպան սադրանք է անվանել Նաուսեդայի խոսքերը «լիտվական» Կալինինգրադի մասին։ Նա նշել է, որ Վիլնյուսից ոչ մի քայլ չի լինի, Լիտվան դժվար թե գնա բարդությունների՝ վախենալով «լուրջ հետևանքներից»։