Կրեմլի արձագանքը՝ Հայաստանի ԵՄ շարժվելու գործընթացում
Պեսկովը կասկած է հայտնել, որ Հայաստանը տեսականորեն կարող է միաժամանակ լինել ԵՄ-ում և ԵԱՏՄ-ում: Այս մասին հայտնում է «TASS»-ը:
Հիշեցնենք՝ այսօր ՀՀ Կառավարությունը հավանություն տվեց «Եվրոպական Միությանը Հայաստանի Հանրապետության անդամակցելու գործընթացի մեկնարկի մասին» օրինագծին։
«ՀՀ-ն ԵՄ անդամ կարող է դառնալ միայն այն դեպքում, երբ կնշանակվի հանրաքվե, և մեր Սահմանադրությամբ նախատեսված կարգով հանրաքվեի մասնակիցների՝ օրենքով սահմանված չափով կողմ ձայներ կստացվեն»,- հայտարարեց վարչապետ Փաշինյանը:
Տարածաշրջանում ստեղծված իրավիճակում ՀՀ իշխանությունների այս որոշումը կարելի է որակել թերևս մեկ բառով` կտրուկ: Հայաստանը լինելով ԵԱՏՄ տնտեսական բլոկի անդամ, սկսում է մեկ այլ խոշոր տնտեսական միությանը անդամակցելու գործընթաց:
