Եթե ուշադիր ընթերցեին, դա կտեսնեին. Երևանի փոխքաղաքապետ

Երևանի փոխքաղաքապետ Սուրեն Գրիգորյանն անդրադարձել է տրանսպորտի QR կոդերի վավերականության ժամկետին, որն ավագանու որոշմամբ նվազեցվել է՝ սահմանվելով 3 օր։

«Մեկանգամյա տոմսերը սպառվում են ձեռք բերելուց հետո 3 օրվա ընթացքում, և չի ենթադրվում, որ պետք է երկարաժամկետ լինեն մեկ ուղևորության դեպքում»,-  նշել է նա:

Ըստ փոխքաղաքապետի հնարավոր է ձեռք բերել նոր տոմսային փաթեթներ և երկարաժամկետ օգտագործել։

Նա հայտնել է, որ Երևանի ավագանու ընդդիմադիր անդամներն են այս հարցում զարմացած, երբ դա ավագանու որոշում է եղել. «Եթե ընթերցեին, կարող էին դա տեսնել»։

«100 դրամի երթևեկության տարբերակն անցումային շրջանի համար էր թողնվել՝ մինչև փետրվարի 1-ը։ Փետրվարի 1-ին այդ խնդիրը չի լինելու։ Այդ օրը նախատեսվում է, որ մարդիկ երկարաժամկետ տոմսային պրոդուկտներ պետք է ունենան»,- նշել է վերջինս։