Թրամփը՝ Պուտինի հետ բանակցությունների մասին
ԱՄՆ նորընտիր նախագահ Դոնալդ Թրամփը հայտարարել է, որ կցանկանար բանակցություններ վարել Ռուսաստանի առաջնորդ Վլադիմիր Պուտինի հետ և խոստովանել է, որ դա կարող է տեղի ունենալ իր պաշտոնական լիազորությունները ստանձնելուն հաջորդող առաջին վեց ամիսների ընթացքում։ Այս մասին գրում է ТАСС–ը:
«Ես հուսով եմ, որ կբանակցեմ առաջիկա 6 ամսվա վերջին», - ասել է նա՝ պատասխանելով լրագրողների հարցին, թե հնարավոր է Պուտինի հետ բանակցություններ վարել ԱՄՆ նախագահի պաշտոնը ստանձնելուց հետո առաջին երեքից վեց ամիսների ընթացքում։
Նա նաև հույս է հայտնել Ուկրաինայում հակամարտությունը կարգավորել իր պաշտոնավարման առաջին 6 ամսում:
Հիշեցնենք, որ քաղաքական գործիչը նախկինում նշել էր, որ Ուկրաինայում պատերազմը կկանգնեցնի նախագահի պաշտոնը ստանձնելուց հետո առաջին 24 ժամում:
