Կարող ենք ապրել նաև առանց խաղաղության պայմանագրի. Ալիև

Եթե ​​Երևանին խաղաղության պայմանագիր պետք չէ, ապա Բաքվին՝ նույնպես։ Մենք կարող ենք ապրել առանց խաղաղության պայմանագրի։ Այս մասին տեղի ԶԼՄ ներկայացուցիչներին ասել է Ադրբեջանի նախագահ Իլհամ Ալիևը։

Լրատվամիջոցների ներկայացուցիչների հետ հանդիպման ժամանակ Ադրբեջանի նախագահն անդրադարձել է Ադրբեջանի և Հայաստանի միջև սահմանազատման հարցերին:

Նա մասնավորապես նշել է. «Ադրբեջանի և Հայաստանի միջև սահմանազատման հարցերով հանձնաժողովների հաջորդ հանդիպումը պետք է կայանա հունվարին։ Համենայն դեպս, մենք այդպես ենք առաջարկել»։