Մազութի բիծը հասել է Սևաստոպոլ․ նահանգապետ

Մազութի բիծը հասել է Սևաստոպոլ, այն գտել են Բալակլավայի ծոցի մուտքի մոտ։ Այս մասին հայտարարել է  նահանգապետ Ռազվոժաևը։

Վերջինս հստակեցրել է,որ բիծը ունի 1.5x1. 5 մ մակերես: Արտակարգ իրավիճակների նախարարության տվյալներով՝ աղտոտվածություն է հայտնաբերվել նաև Ղրիմի Լենինյան շրջանում,որտեղ դեկտեմբերի 28-ից գործում է արտակարգ իրավիճակների ռեժիմը: Աղտոտված հատվածի երկարությունը 18 կմ է։

Նահանգապետի խոսքով՝ մազութում հայտնաբերվել են նաև մի քանի թռչուններ Ուչկուևկայի, Լասպիի և Օմեգայի ծովածոցի շրջանում: Նրանց փրկելու համար քաղաքի անասնաբուժական կենտրոնում թռչունների ընդունման կետ է բացվել, պատմել է Ռազվոժաևը։ Նա հավելել է, որ մազութի բիծի հավաքմամբ կզբաղվեն փրկարարներն ու Սևպրիրոդնադզորը: