Ահաբեկչություն ծրագրած ՌԴ քաղաքացիներ են ձերբակալվել
Անվտանգության դաշնային ծառայությունը ձերբակալել է ՌԴ չորս քաղաքացիների, որոնք նախատեսում էին իրականացնել ահաբեկչական ակտ ինքնաշեն պայթուցիկ սարքերի կիրառմամբ Եկատերինբուրգում քաղաքացիների զանգվածային կուտակման վայրերում։ Այս մասին հայտնում է ՌԴ ԱԴԾ մամուլի ծառայությունը։
«Ռուսաստանի Դաշնության Անվտանգության դաշնային ծառայության կողմից ձերբակալվել են 2007 և 2008 թվականներին ծնված Ռուսաստանի չորս քաղաքացիներ, որոնք կիսում են Ռուսաստանի տարածքում արգելված ահաբեկչական կազմակերպության գաղափարները և ծրագրում էին Եկատերինբուրգ քաղաքում քաղաքացիների զանգվածային կուտակման վայրերում ինքնաշեն պայթուցիկ սարքի օգտագործմամբ ահաբեկչական գործողություն իրականացնել», - ասվում է հաղորդագրության մեջ։
Մամուլի ծառայությունը պարզաբանել է, որ ձերբակալվածներից երկուսը նաև ներգրավված են եղել Սվերդլովսկի մարզում ՌԴ ՆԳՆ գլխավոր վարչության ծառայողական ավտոմեքենայի հրկիզման մեջ:
Նշվում է, որ նրանցից առգրավվել են ինքնաշեն պայթուցիկ սարքի բաղադրիչներ, ինչպես նաև կապի միջոցներ, որոնք պարունակում են դրա պատրաստման հրահանգներ:
