Զուրաբիշվիլին զրկվել է պետական պաշտպանությունից
Վրաստանի նախկին նախագահ Սալոմե Զուրաբիշվիլին զրկվել է պետական պաշտպանությունից, դեկտեմբերի 30-ին հայտնել է Mtavari Arkhi հեռուստաալիքը։
Նշվում է, որ համապատասխան օրենքը ստորագրել է նոր նախագահ Միխեիլ Կավելաշվիլին։
Պետության ղեկավարի, վարչապետի և Վրաստանի խորհրդարանի նախագահի պաշտպանությունը նախկինում նախատեսված էր նրանց լիազորությունների դադարեցումից հետո մեկ տարի ժամկետով։
Փոփոխությունների համաձայն՝ պաշտպանությունը չի պահպանվում, եթե երկրի Սահմանադրական դատարանը հաստատի, որ պաշտոնավարման ընթացքում նրանք խախտել են հիմնական օրենքը։ Միաժամանակ, անցյալ տարի Վրաստանի Սահմանադրական դատարանը ընդունել է, որ Զուրաբիշվիլին խախտել է Սահմանադրությունը չհամակարգված արտասահմանյան այցերով։
Նախօրեին կայացել է Կավելաշվիլիի երդմնակալության արարողությունը՝ որպես Վրաստանի նոր նախագահ։ Զուրաբիշվիլին, ով չի ճանաչել ընտրությունների արդյունքները, լքել է նախագահական նստավայրը և աջակիցներին ասել, որ մտադիր է Ամանորի գիշերը մասնակցել բողոքի ցույցին և այցելել մի շարք երկրներ։
