Մահացել է ԱՄՆ 39-րդ նախագահ Ջիմի Քարթերը
The Carter Center ոչ կառավարական կազմակերպությունը կիրակի հաստատել է Միացյալ Նահանգների 39-րդ նախագահ Ջիմի Քարթերի մահը, ով պաշտոնավարել է 1977-1981 թվականներին։ Այս մասին գրում է ТАСС–ը:
«Մեր հիմնադիր, ԱՄՆ նախկին նախագահ Ջիմի Քարթերը մահացել է այսօր Փլեյնսում, Ջորջիա»,- ասվում է կազմակերպության X էջում։
Ավելի վաղ The Washington Post-ը հայտնել էր Քարթերի մահվան մասին՝ վկայակոչելով պետության նախկին ղեկավարի որդուն՝ Ջեյմս Քարթերին։
Նա ասել է, որ իր հայրը մահացել է կիրակի Ջորջիայում գտնվող իր տանը, սակայն չի հայտնել մահվան պատճառը: Քարթերի մահվան մասին, ով հոկտեմբերի 1-ին դարձավ 100 տարեկան, հայտնել է նաև տեղական The Atlanta Journal-Constitution թերթը։ Ինչպես գրում է հրատարակությունը, դեմոկրատ Քարթերը կարողացել է «փոխել նախագահների կյանքի ըմբռնումը նրանց լիազորությունների ավարտից հետո»։
