Սերգեյ Լավրովը և Ջեյհուն Բայրամովը հեռախոսազրույց են ունեցել
ՌԴ ԱԳ նախարար Սերգեյ Լավրովը և Ադրբեջանի արտգործնախարար Ջեյհուն Բայրամովը հեռախոսազրույց են ունեցել, որի ընթացքում քննարկվել են AZAL ինքնաթիռի կործանման հետ կապված իրավիճակը: Այս մասին հայտնում է ՌԴ ԱԳՆ–ն:
Ընդգծվել է միջադեպի ամբողջական կարգավորման անհրաժեշտությունը՝ հաշվի առնելով բոլոր հանգամանքները։
«Ռուսաստանի Դաշնության նախագահ Վլադիմիր Պուտինի և Ադրբեջանի Հանրապետության նախագահ Իլհամ Ալիևի միջև նույն օրը տեղի ունեցած զրույցի շարունակությունում նախարարները քննարկել են դեկտեմբերի 25-ին Ղազախստանի Ակտաու քաղաքի մոտ «Ադրբեջանի ավիաուղիներ»-ի մարդատար ինքնաթիռի կործանման հետ կապված զարգացումները»,- նշվում է ՌԴ ԱԳՆ կայքում հրապարակված հաղորդագրությունում:
