Իսրայելի պատվիրակությունը կլքի Դոհան «խորհրդակցությունների համար»

Իսրայելի պատվիրակությունը դեկտեմբերի 24-ի երեկոյան «ներքին խորհրդակցություններ» անցկացնելու համար կվերադառնա Դոհայից, որտեղ բանակցություններ են ընթանում Գազայի հատվածում պատանդների ազատ արձակման շուրջ։ Այս մասին հայտարարել է Իսրայելի վարչապետ Բենիամին Նեթանյահուի գրասենյակը, գրում է ТАСС–ը։

«Բանակցային թիմը, ներառյալ (հետախուզական ծառայության) Մոսադի, Գլխավոր անվտանգության ծառայության և Իսրայելի պաշտպանության բանակի բարձրաստիճան անդամները, մեկ շաբաթ տևած կարևոր բանակցություններից հետո այսօր երեկոյան Կատարից կվերադառնա Իսրայել: Թիմը վերադարձել է Իսրայել պատանդների վերադարձի շուրջ բանակցությունները շարունակելու հարցով ներքին խորհրդակցություններ անցկացնելու համար»,- ասված է հաղորդագրությունում։

Ավելի վաղ՝ դեկտեմբերի 24-ին, Կատարի ԱԳՆ խոսնակ Մաջիդ բին Մուհամմեդ ալ-Անսարին ճեպազրույցի ժամանակ ասել էր, որ երկրի բանակցողները շարունակում են խորհրդակցությունները՝ Գազայի հատվածում Իսրայելի և պաղեստինյան արմատական ​​ՀԱՄԱՍ շարժման միջև զինադադար հաստատելու նպատակով։