Թրամփը Վլադիմիր Զելենսկիին չի հրավիրել իր երդմնակալությանը

ԱՄՆ նորընտիր նախագահ Դոնալդ Թրամփը Վլադիմիր Զելենսկիին չի հրավիրել իր երդմնակալությանը, որը տեղի կունենա 2025 թվականի հունվարի 20-ին։ Այս մասին Թրամփը հայտարարել է նոյեմբերի ընտրություններում հաղթելուց հետո իր առաջին ասուլիսում, որն անցկացվել է Ֆլորիդայի Մար-ա-Լագո  կալվածքում։

«Ոչ, ես Զելենսկիին չեմ հրավիրել»,- ասել է Թրամփը՝ պատասխանելով լրագրողի համապատասխան հարցին։

Միաժամանակ նա նշել է, որ եթե Զելենսկին ցանկանա մասնակցել միջոցառմանը, կարող է գալ։ Հանրապետականը նաև կասկած է հայտնել երդմնակալությանը Չինաստանի նախագահ Սի Ծինփինի ներկայության վերաբերյալ։

Ավելի վաղ Թրամփը հայտարարել էր, որ մտադիր է կապի դուրս գալ ՌԴ նախագահ Վլադիմիր Պուտինի հետ՝ Ուկրաինայում հակամարտությունը դադարեցնելու համար։ Քաղաքական գործիչը հավելել է, որ ինքը և իր թիմը ծրագրում են բանակցել նաև Վլադիմիր Զելենսկու և ուկրաինական կողմի ներկայացուցիչների հետ։