Ասադը ընտանիքի հետ միասին Մոսկվայում է

Սիրիան լքած նախագահ Բաշար ալ Ասադը ընտանիքի անդամների հետ միասին ժամանել է Մոսկվա: Այս մասին գրում է ТАСС–ը՝ հղում տալով Կրեմլի աղբյուրին:

Նշվում է, որ Ռուսաստանի Դաշնությունը նրանց ապաստան է տրամադրել։ Բացի դա, հաղորդվում է, որ սիրիական զինված ընդդիմության առաջնորդները երաշխավորել են ռուսական ռազմակայանների ու դիվանագիտական ​​հաստատությունների անվտանգությունը։

Աղբյուրի համաձայն՝ Ռուսաստանի Դաշնությունն անհրաժեշտ է համարում ՄԱԿ-ի հովանու ներքո Սիրիայում կարգավորման շուրջ բանակցությունների վերսկսումը։