Թրամփը հիմարություն է անվանել Ջո Բայդենի որոշումը
ԱՄՆ նորընտիր նախագահ Դոնալդ Թրամփը սխալ և հիմարություն է համարում ամերիկյան ներկայիս առաջնորդ Ջո Բայդենի վարչակազմի որոշումը՝ թույլ տալով հրթիռային հարվածներ հասցնել ռուսական տարածքի խորքերը։ Այս մասին նա հայտարարել է իր առաջին մամուլի ասուլիսում ընտրություններում հաղթելուց հետո։
«Չեմ կարծում, որ պետք է թույլ տրվեր հրթիռներ արձակել 200 մղոն դեպի Ռուսաստան: Ես կարծում եմ, որ դա վատ գաղափար էր և շատ բացասական հետևանքներ ունեցավ: Դա հիմարություն էր, հատկապես իմ պաշտոնը ստանձնելուց ընդամենը շաբաթներ առաջ», - ասել է նա:
Իր խոսքով` այս քայլն իր հետ համաձայնեցված չի եղել։ Թրամփը վստահություն է հայտնել, որ այլ կերպ կվարվեր, եթե հնարավորություն ունենար ազդելու այս որոշման վրա, և խոստովանել է, որ կարող է վերանայել այն ԱՄՆ նախագահի պաշտոնը ստանձնելուց հետո։
