Թրամփը մեղադրել է Թուրքիային Սիրիայում Ասադի իշխանությունը տապալելու մեջ
ԱՄՆ նորընտիր նախագահ Դոնալդ Թրամփը հայտարարել է, որ Սիրիայում նախագահ Բաշար ալ Ասադի կառավարության տապալման հետևում կանգնած է Թուրքիան։ Այս մասին գրում է ТАСС–ը:
Թրամփը այս հայտարարությունն արել է Ֆլորիդայում գտնվող Մար-ա-Լագոյի իր կալվածքում նոյեմբերի ընտրություններում հաղթելուց հետո իր առաջին ասուլիսում։
«Բայց ոչ ոք չգիտի, թե ով է կանգնած մյուս կողմի (Սիրիայի նոր կառավարության) թիկունքում, բայց ես գիտեմ: Դա Թուրքիան է: Լավ, Թուրքիան կանգնած է դրա հետևում: Նա (Թուրքիայի նախագահ Ռեջեփ Թայիփ Էրդողանը) շատ խելացի մարդ է», - ասել է Թրամփը:
