Հարավային Կորեայի պաշտոնանկ արված նախագահը կհարցաքննվի

Հարավային Կորեայի քննիչները մտադիր են դեկտեմբերի 18-ին դատարանում հարցաքննել երկրի` պաշտոնանկ արված նախագահ Յուն Սեոկ Յոլին՝ նրան արդեն երկրորդ ծանուցումն ուղարկելով։ Այս մասին հայտնում է Yonhap գործակալությունը։

Սահմանադրական դատարանը պետք է որոշի Յունի իմպիչմենթի օրինականությունը։ Եթե ​​պարզվի, որ այս որոշումը չի համապատասխանում Սահմանադրությանը, նա կվերականգնվի իր պաշտոնում։

Հատուկ դատախազության թիմը, որը հետաքննում է խռովության գործը, հայտարարել է, որ նախագահին ծանուցագիր է ներկայացրել՝ պահանջելով, որ նա ներկայանա Սեուլի կենտրոնական շրջանային դատախազություն՝ հարցաքննության։ Այն պետք է տեղի ունենար երեկ՝ դեկտեմբերի 15-ին։ Պետության ղեկավարի գրասենյակը հաստատել է փաստաթղթի ստացումը, սակայն Յունը չի ներկայացել հարցաքննության։