ԵՄ երկրները չեն կարողացել Վրաստանի դեմ պատժամիջոցներ կիրառել
ԵՄ երկրները չեն կարողացել համաձայնության գալ Վրաստանի դեմ անհատական պատժամիջոցների ներդրման շուրջ, հայտարարել է ԵՄ արտաքին քաղաքականության պատասխանատու Կայա Կալլասը ԵՄ ԱԳ նախարարների հանդիպման արդյունքներով կայացած մամուլի ասուլիսում։ Այս մասին գրում է ТАСС–ը:
«Պատժամիջոցներ մտցնելու համար, ցավոք, մեզ պետք է միասնություն, որը մենք դեռ չունենք»,- ասել է նա։
Կալլասը հաստատել է, որ Հունգարիան և Սլովակիան արգելափակել են Վրաստանի ղեկավարության դեմ անհատական պատժամիջոցները։ Լյուքսեմբուրգը և մի շարք այլ երկրներ նույնպես դեմ են արտահայտվել «Վրացական երազանք» կուսակցության դեմ պատժամիջոցներին։
