ՏԵՍԱՆՅՈՒԹ. ԱՄՆ–ն դոլարի հաշվին շահագործում է այլ երկրների տնտեսությունները. Պուտին
ԱՄՆ-ն դոլարի հաշվին հօգուտ իրեն շահագործում է աշխարհի այլ երկրների տնտեսությունները: Այս մասին հայտարարել է ՌԴ նախագահ Վլադիմիր Պուտինը՝ պատասխանելով Թրամփի հայտարարությանն արագ արձագանքման մասին, եթե աշխարհում ինչ-որ մեկն արգելի դոլարի օգտագործումը։
«Մի բան է դոլարի օգտագործումն արգելելը, մեկ այլ բան՝ չօգտագործելը»,- ասել է ՌԴ նախագահը։
Վլադիմիր Պուտինը հիշեցրել է, որ Թրամփը չորս տարի չի եղել Սպիտակ տանը։ Այս ընթացքում փոփոխություններ են տեղի ունեցել: Նրա քաղաքական հակառակորդները շատ բան են արել դոլարը որպես պահուստային արժույթ խաթարելու համար:
«Մենք երբեք չենք հրաժարվել դոլարից: Այն վերածվել է քաղաքական ճնշման գործիքի։ Մեզ մերժել են։ Սա գալիս է ինքնավստահությունից ու քծնանքից, այդ թվում՝ տնտեսական ոլորտում։ Մենք պետք է հասկանանք, թե ինչ է կատարվում աշխարհում և այդ ամենից կառուցենք մեր քաղաքականությունը»,– նշել է Պուտինը։
Պուտինը հույս է հայտնել, որ հարաբերությունները կկարգավորվեն արևմտյան երկրների հետ. «ինչպես նրանք, այնպես էլ մենք շահագրգռվածություն ունենք»։
