Ներգաղթյալները մեզ պետք են․ Պեսկով

Ժողովրդագրական լարված իրավիճակի ֆոնին երկրի դինամիկ զարգացումն ապահովելու համար, Ռուսաստանին անհրաժեշտ են աշխատանքային ներգաղթյալներ այլ երկրներից։ Այս մասին ՌԻԱ «Նովոստի»-ին տված հարցազրույցում ասել է ՌԴ նախագահի մամուլի քարտուղար Դմիտրի Պեսկովը։

«Ներգաղթյալներն անհրաժեշտ են: Փաստն այն է, որ մենք ժողովրդագրական շատ լարված իրավիճակ ունենք։ Մենք ապրում ենք աշխարհի ամենամեծ երկրում, բայց մենք քիչ ենք: Երկրի դինամիկ զարգացման համար Ռուսաստանին անհրաժեշտ են աշխատանքային միգրանտներ այլ երկրներից: Որպեսզի մենք դինամիկ զարգանանք և իրականացնենք զարգացման բոլոր ծրագրերը, իհարկե, մեզ պետք են աշխատողներ։ Մենք միայն ողջունում ենք նրանց գալը», - ասել է Կրեմլի ներկայացուցիչը:

Նշենք, որ Վլադիմիր Պուտինը հայտարարել էր, որ երբ խոսքը վերաբերում է ներգաղթյալների ներգրավման մասին, իշխանություններն առաջին հերթին պետք է մտածեն երկրի քաղաքացիների շահերի մասին։ Նա ընդգծել, որ ներգաղթյալները ռուսաստանցիների շրջանում «չընդունվելու իրավիճակ չեն ստեղծի», եթե տիրապետեն օրենքներին և պատրաստ լինեն դրանք կատարել, ինչպես նաև լավ տիրապետեն ռուսաց լեզվին։ Բացի այդ, Պուտինը հավելել է, որ Ռուսաստան ժամանած ներգաղթյալները պետք է ապրեն «մարդկային պայմաններում» և օգտվեն բոլոր առավելություններից։