Տասնյակ ձերբակալվածներ` Չելյաբինսկում տաքսու կին վարորդի սպանությունից հետո

Չելյաբինսկի շրջանի Կորկինո քաղաքում անկարգությունների հետևանքով ավելի քան 40 մարդ բերման է ենթարկվել։ Այս մասին հայտնում է Интерфакс-ը` հղում անելով իրավապահ մարմինների աղբյուրին։

Անկարգությունները, որոնք տեղական 74.ru հրատարակությունն անվանել է «ջարդ գնչուների թաղամասում», սկսվել են հինգշաբթի տաքսու կին վարորդի սպանությունից հետո, որի առնչությամբ կալանավորվել է 17-ամյա մի տղա։ Տեղի բնակիչները այս սպանության մեջ մեղադրել են գնչուների համայնքի անդամներին։

Ըստ ռուսալեզու թելեգրամյան ալիքներից մեկի` անկարգությունների հետ կապված ձերբակալվածների թվում կան նաև գնչուներ։

 Интерфакс-ի զրուցակիցը հայտնել է, որ անկարգությունների ժամանակ երկու երիտասարդ որսորդական հրացանից թեթև վնասվածքներ են ստացել։ Այժմ, ըստ նրա, քաղաքում հանգստություն է վերականգնվել.