Քանի մահվան դեպք է գրանցվել բանակում այս տարի և որոնք են պատճառները
Այս պահի դրությամբ բանակում մահերը 2023-ի համեմատ գրեթե 2 անգամ նվազել են։ Այս մասին Հանրային հեռուստաընկերության եթերում ասել է պաշտպանության նախարարի մամուլի քարտուղար Արամ Թորսյանը՝ պարզաբանելով, թե այս տարվա 33 մահվան դեպքից քանիսը կապ չեն ունեցել ծառայողական պարտականությունների հետ։
33 մահվան դեպքից
-Ավիավթար - 2
-Հիվանդության հետևանքով - 5
-ՃՏՊ հետևանքով- 11, որից 7-ը ծառայության հետ չկապված
-Դժբախտ պատահար - 5
«Կարող ենք արձանագրել, որ 2024 թվականի հաշվետու ժամանակահատվածում և այս պահի դրությամբ, նախորդ տարվա համեմատ, բանակում մահվան դեպքերը գրեթե 2 անգամ նվազել են, ինչը խոսում է այն մասին, որ հսկայական աշխատանք է տարվում նման դեպքերը զինված ուժերում բացառելու համար»,- ասել է նա։
