Խոշոր վթար․ 9 վիրավորներից 5-ը երեխաներ են

«Mercedes» ու «Opel» մակնիշի ավտոմեքենաները Շիրակի մարզի Ազատան գյուղի վարչական տարածքում դեռևս անհայտ հանգամանքներում բախվել են, ինչի հետևանքով կա 9 վիրավոր։ Այս մասին հայտնում է shamshyan.com-ը:

Դեպքի մասին ահազանգը ստացվել է հոկտեմբերի 20-ին, ժամը 15:15-ի սահմաններում։

«Վթարի հետևանքով 9 հոգի, որից 5–ը երեխաներ են, տարբեր աստիճանի մարմնական վնասվածքներով տեղափոխվել են հիվանդանոցներ»,– գրում է կայքը։

Վթարի փաստով Ախուրյանի քննչական բաժնում նախաձեռնվել է քրեական վարույթ, որտեղ էլ պարզում է վարորդների և վիրավորների ինքնությունը։