Իսրայելի հյուսիսում գտնվող ևս 5 շրջաններ հայտարարվել են փակ ռազմական գոտի. ՑԱԽԱԼ
Իսրայելի պաշտպանության բանակը շաբաթ երեկոյան Իսրայելի հյուսիսում գտնվող ևս հինգ շրջաններ հայտարարել է փակ ռազմական գոտի, հայտնում է բանակի մամուլի ծառայությունը։ Այս մասին գրում է РИА Новости-ն։
«Իրավիճակի գնահատման համաձայն՝ այսօրվանից (շաբաթ) որոշվել է ժամը 20.00-ից (Երևանի ժամանակով` 21։00-ից) Զրայթ, Շոմերա, Շտուլա, Նետուա և Մենախեմ շրջանները հայտարարել փակ ռազմական գոտի»,-ասվում է հաղորդագրության մեջ։
Իսրայելի պաշտպանության բանակը պարզաբանել է, որ մուտքն այս տարածքներ խստիվ արգելված է։
